«Нуруль Ислам» мәдрәсәсе — Русия Үзәк Диния Нәзарәте (ЦДУМ) карамагындагы дини һөнәри белем бирү оешмасы (Башкортстан Республикасы, Октябрьский шәһәре). Мәдрәсә «Дини оешмаларның хезмәткәрләрен һәм дини персоналын әзерләү» программасы буенча белем бирә. Тәмамлаучыларга «имам-хатыйб, ислам фәннәре һәм гарәп теле укытучысы» квалификациясе бирелә.
Уку
- Уку формасы — көндезге, дәүләт стандарты күләмендә.
- Уку вакыты — 2 ел 10 ай.
- Кабул итү — әңгәмә нәтиҗәләре буенча.
- Укуны тәмамлаучылар билгеләнгән үрнәктәге диплом ала.
«Нуруль Ислам» мәдрәсәсенең белем бирү эшчәнлеге өчен вакыты чикләнмәгән дәүләт лицензиясе бар: 2020 елның 29 гыйнварындагы № 5335.
Өстәмә мөмкинлекләр
Мәдрәсәдә уку чорында шәкертләр Октябрьский нефть колледжында, Октябрьский коммуналь-төзелеш колледжында, Октябрьский күп профильле һөнәри колледжында дөньяви һөнәр дә ала алалар.
Русия Ислам Университеты (ЦДУМ) белән «Нуруль Ислам» мәдрәсәсе арасында хезмәттәшлек килешүе төзелгән: чыгарылыш шәкертләре кыскартылган программа буенча РИУда укуларын дәвам итә алалар һәм «теология бакалавры» квалификациясе белән югары дини белем турында диплом алалар.
Шәкертләр өчен шартлар
Шәкертләрнең уңышлы укуы һәм укытучыларның иҗади эшчәнлеге өчен барлык шартлар тудырылган: заманча белем бирү технологияләре таләпләренә җавап бирүче уку кабинетлары, компьютер классы, уку залы булган китапханә.
Ашханәдә көн саен өч тапкыр кайнар аш оештырылган. Шәкертләр өчен тулай торак бар. Мәдрәсәдә яшәү, туклану, ял итү һәм уку өчен барлык кирәкле шартлар бар.